Skip to main content

Posts

Showing posts from December, 2009

मुर्दाघरमा राखियो... ll Kapil Anjan

 शेर बाँचुन्जेल बेघर बनाइएको थियो मरेपछि भने मुर्दाघरमा राखियो कपिल अन्जान

इतिहास छ रे

मेरो बाजेको इतिहास छ रे रुँदै हाँसेको इतिहास छ रे परदेशी हुन नगएस् भन्थे भाँडा माँझेको इतिहास छ रे गाउँमा पैसा नहुँदा खेरी सामान साटेको इतिहास छ रे पढ्ने लेख्ने त्यो उमेरमा घाँस काटेको इतिहास छ रे सुनाउनु मेरो नातीलाई भन्दै दुःखमा बाँचेको इतिहास छ रे

यो देशको नारा

बन्द हड्ताल यो देशको नारा जय नेपाल यो देशको नारा भन्छन् कृषि प्रधान देश हो अनिकाल यो देशको नारा कसरी आउँछन गौतम बुद्ध संकटकाल यो देशको नारा बेरोजगारी हड्छ हड्छ हेरक साल यो देशको नारा जो सत्तामा पुगे पनि त आलटाल यो देशको नारा

पैसा लाग्दैन...

सोच्न पैसा लाग्दैन खोक्न पैसा लाग्दैन समयलाई रोकेर देखाउ रोक्न पैसा लाग्दैन नफाल्नु पीरको भारी बोक्न पैसा लाग्दैन दुःख गजलमा पोख पोख्न पैसा लाग्दैन गरेको कर्मको फल भोग्न पैसा लाग्दैन

सबै सिकाए

मलाई मेरा बाले सबै सिकाए हुर्काए अनि पाले सबै सिकाए पढेर ठूलो भएस् भन्थे मलाई स्कूलमा पनि हाले सबै सिकाए दुनियाँ स्वार्थी छ बाँच्न जानेस् यस्तै सिकाउन थाले सबै सिकाए भन्थे पहिचान छैन खोजेस् तेरो नाम हो काले सबै सिकाए यो माटोलाई केही गर्नु छ तैले दाइ भाइ आमाले सबै सिकाए