Friday, June 12, 2009

छापामारको छोरो

देशको निम्ति लड्छु भन्छ छापामारको छोरो
अझै शिखर चढ्छु भन्छ छापामारको छोरो

कुन कारणले मेरो पुर्खा जङ्गल गएको
त्यो इतिहास पढ्छु भन्छ छापामारको छोरो

हात हतियार बम गोली समाउन देऊ
सिमानातिर बढ्छु भन्छ छापामारको छोरो

दुश्मन को हुन् सिकाउनु त्यही छातीमाथि
शूल बनेर गढ्छु भन्छ छापामारको छोरो

बिन्ती मेरो क्रान्तिलाई कुण्ठित नपारिदेऊ
नत्र त्यसै म सड्छु भन्छ छापामारको छोरो

2 comments:

  1. सशक्त गजल,
    यो गजल समयको माग हो,
    कपिलजीको पछिल्लो गजलमध्यको उत्कृष्ट गजल मान्छु म यो गजललाई ।

    ReplyDelete
  2. यो गजलालई हामीले चार महिना प्रतीक्षा गर्नुपर्यो ।

    ReplyDelete