गजल ll आफ्नो त यार हरेक चिजहरु बेसुरा छन्

गजल

मैले सोचें तिम्रा हरेक वाक्यहरु छुरा छन्
तिमीले सोच्नु मैले सुनाउने धेरै कुरा छन्

सरकार यहाँ भौतारिनेहरुको कमि छैन
तिमीले बनाएका गल्लीहरु साँघुरा छन्

उसँग नभएका उसका ती बुवाआमा हुन्
ऊ भन्छ मेरो परिवारका सदस्य पुरा छन्

किन यस्तो संस्कार सिकिरहेछौं हामीहरु
आज यो सहरका धेरै मान्छेहरु टुहरा छन्

साथी तिम्रो जिन्दगी त लयमा बगेको छ
आफ्नो त यार हरेक चिजहरु बेसुरा छन्

©

कपिल अन्जान